《送給妳……光輝歲月》

5月28日，今天係老友Winny在岡比亞渡過兩年多宣教回港的日子，難以想像作為宣教者的任重渡遠，只擔心這兩年多，你在體能上、心理上如何能重新得力！自問沒有這信心，沒有此能力！

「不分膚色的界限」—Winny，看到你對人的愛，令我顯得微少；尤其是我這地道香港人，更是以貌取人之徒，顏色、聲音唔啱channel唔啱傾都幾難friend！看到你，一個後生女，對人、對生命，對靈魂的熱枕，身體力行地走進荒蕪社群，關心需要，祝福無助貧乏者，不要說擺上兩年多的時間，城市人總是無病呻吟，嚴d嘢食難食呀、冷氣唔夠凍呀，住低層無靚景呀……捱兩個月都死得啦！你在我的心裡，總是戴著光環的天使！

香港嘅教徒都係咁上下素質—一係就神心到交通法例、衞生問題都關耶穌事；一係就衰到好似d人咁，唔祈禱唔睇聖經扮晒嘢……無可能囉！無祝福行衰運就真係幫你唔到啦！「Gideon你話信教唔等於要日日祈禱、讀聖經嘛」，但都唔等於唔祈禱唔睇聖經之說，當你與你的信仰建立良好穩定的關係，所得乃是你生命中的每段光輝歲月！