《一步一開心》

俗語說「一步一驚心」，此止於所謂船頭驚人船尾怕鬼之流，結局當然是行路打倒turn啦！

有說，回到童年就是好—只有對沒有錯、不知驚唔識死，事情都是樂趣美事……直到一天，大人訓示你，大人話俾你知，係錯、知驚、識死，唔准笑……生命被干擾了，人生要學懂痛苦憂傷！

大人同細路有乜唔同？細路總是仿效著大人。唔知點解，當細路模仿大人的行為說話時，都被報以「No」唔得；倒過來說，大人總是有力自主自決，寧「瀨嘢」不屈！最後，細路被植入苦毒，逐步漫延全身全人，大人也不好過，為了抗衡自少的壓制，對於任何意見，充耳不聞，死頂自決，卻原來是苦毒已經走勻全身，病入膏肓！

其實，大部分事情，如果你唔死，又有反省成長，肯定就不為過，更加是帶領你進步與發展自我的催化劑，令你與別不同，卻又不會是天外來客，使你不再一樣，並能夠導引人生，感染身邊人，激發旁人的潛能，可以教學雙長，共樂樂也！