《相信是為了勝利》

一次浸禮，看到千奇百怪的人，騎呢得叫你可以頂唔順呢間教會—「樂頌」！但可以肯定的告訴你，「樂頌」樂見於此，因為我們相信，教會就是騎呢人集中地，應該愈來愈合理；相反而言，有一天，你見到「樂頌」個個好人好姐，衣冠楚楚，大方有禮，可能就是我們迷失、沉淪的一天！

咁即係做教會要「愈墮落愈快樂」—肯定唔係！每一個相信耶穌的人，肯定都是為了在某個題目、某個事情上勝利，而不會流於迷失！

一直以來，我相信當人愈懂得感恩就愈會成功，甚至乎可以在任何事情上勝利。但如何能夠感恩，又是各施各法，而其一法門是「尊重」。

曾幾何時，會聽到一些作為子女的說如何如何多謝爸爸媽媽，感謝父母乜乜物物……你只要看看作子女的，幾多時間返屋企食飯？多少時候陪伴爸爸媽媽睇醫生？閒時向父母噓寒問暖！就可以一睹其感恩的定位定義。

如果咁講「相信是為了勝利」，嘗試作個自我評估，我對身邊人的尊重、感恩多少，是否又真反映著一些勝利的相互關係？