《神蹟是…》

細個時候，通常聽到絕症唔死、作奸犯科者洗心革面......呢d咪神蹟囉！要打鑼打鼓開佈道會，一年、五年，十年...巡迴循環咁講這見證拯救別人！時移世易，近10年20年，這類型的見證佈道會、分享會漸漸消失了，㸃解？現在已經無曬絕症--梗係唔會啦！每個壞人都立地成佛--無可能啦！

神蹟，聖經大多篇幅以signs標記去講及神蹟；意思係當人跟隨著標記而行，經過一個又一個的標記後，你就會看見神蹟。所以，神蹟大多最不是點石成金，神蹟是「叮」一聲令你向著某個方向行，「叮」一聲令你有勇氣踏上行出去。

6年前SasaAllan籌備結婚，要搵地方做新居，最後，佢哋揀咗黃大仙區嘅現在居所，我一家又在隨後半年搬到附近，繼後有珊珊Kevin(當時Ravi未出世)，Wendy國權，Portia，聚集了一些教會街坊，其間開始有小組在某些人屋企聚會，後來，又有新婚的VivianMing也搬到附近居住；這些居住的問題，人的流動，是軌跡，是選擇，但當你留意到它的訊號、它的標記時，順著而行，你會發現其中催化的特別效益，是你意料之外的事情，我會叫呢啲做「神蹟」！

我覺得，神蹟，係給予你信念與能力去期待明天，想去行下一步！