《「走出人生之苦是感恩」》

 　上兩個禮拜收到個老友將於來年結婚的大好消息！數數看，原來我倆都認識有二十個年頭了；我又非常鼓勵、期望身邊拍拖的朋友可以早日拉埋天窗，步入人生新階段，二人可以成為夫妻不單止是各自努力，我相信也是恩典，成為兩公婆的每一天，實在要數算、感恩！

　你視為大事，叫人期待、神往，相信可一不再！

　上星期日如常到外母屋企食飯，先去超市買d飲品，有一盒8罐裝可樂、一盒6包裝檸檬茶，加上3罐大啤酒，懶環保俾完錢隨手拎個紙箱裝好走人，收銀姐姐突然問我要唔要水，然後就放低5支水--送嘅；其實我真係拎唔到，唯有嗱嗱聲將d水放上車，再返轉頭攞返d飲品走；殊不知，一踏出超市，又有個人問我要唔要水，說時遲，那時快，隨即噼啪一聲擺低兩支水喺我d飲品上面，然後走人，其實我真係想話...唔要呀！

　你覺得小事，俾多多你都看不上眼，討厭、煩擾，感覺執到都喊三聲！

走出成人軀體，回到孩提時代，感覺自己，捉摸世界，你就會覺得樣樣都美好，樣樣都奇妙—這一刻，你重新認識自己，你會驚訝自己是一個多麼感恩及喜愛世界的人！