《「爸爸媽媽的天織」》

  公屋長大嘅人一般都捱得吓!我細個嗰陣時就係無玩具玩呀,睇隔離屋個電視呀,廁所唔喺單位裡面咁,冬天要煲水至有熱水沖涼...又唔會覺得好苦,成條走廊家家戶戶都係咁㗎啦!梗係唔係家家戶戶啦,但係都係十居七八囉!

 爸爸媽媽在我的形象中都是克勤克儉,淘空自己,努力工作為咗6 個仔女有飯食,快高長大...時至今日,同媽媽食飯,仍然話自己鍾意食魚頭呀!其他餸,飽魚、帶子,蝦...未食已經答你「唔要」、「夠啦」總是留最好的給子女兒孫!

爸爸媽媽天生捱得,佢唔食都要俾你食!爸爸媽媽死慳死抵,為了子女有生活、衣食,居住..做人能夠安身立命,他們每天為兒女在織造生活網、衣食網,居住網等等;到咗今日,輪到我哋作為父母,我們為兒女在織造著安全網,因為害怕孩子受傷,想要保護你遠離危險傷害...不論是那一個年代爸爸媽媽,爸爸媽媽的天職就是天織!