《「12度風味」》

 　星期二冷風襲港，晨早流流入西貢行個圈，出門時候係13 度，9 點鐘去到西貢得番12 度，都幾凍！周圍行，揾嘢食，凍凍吓，想到了剛外遷的老友，所居之處呢排天氣最高也只是12 度；當我游走在凛烈北風的沙灘上時，寒風陣陣，諗諗吓，遠方的老友會否正在讚嘆著這煦燦與暖和呢！

　今個聖誕節少了一些老友，缺少咗三五知己飲茶吹水，更加是要將家人拒諸門外，把家庭打得破碎，種種情況令這個驟冷天氣下顯得特別淒清！

如果可以，在這隔離的日子中，仍然可以一齊撐枱腳就肯定係幸福啦！鼓勵你加快腳步，就從今個星期六開始，約定你的老友、家人，飲茶食飯，或是午餐，或是晚餐，面對面相聚，一起迎接冬至，擁抱聖誕。

　尋日去慈雲山中心洗牙，好日都唔去咁遠，竟然可以喺呢度撞到家豪，勁開心！最後送上一句「聖誕快樂」！

　「樂頌」今年沒有平安夜報佳音，請大家由今天開始向你身邊的人報佳音—講句聖誕節快樂Merry Christmas ；天文台話冬至又會12度，唔會覺得凍，叫我再次記起老友，這是最美好的12度！