《「總要救一些人」》

  2021年,可以話係世途逆轉,全世界變天,地球人都想要移民去火星,香港的傳道生態亦都已經變得唔清唔楚,要靠各位傳道牧者自求多福!

 我有個老友已經移居到大灣區,地方大,環境好,相同語言廣東話下,小朋友幾千蚊讀國際學校,又唔怕有異己攻擊歧視,真係可以安居樂業!其實,早十幾廿年我同年代嘅老友已經長居內地,結婚生仔,在內地買咗五六七個物業,依家嘆緊世界,返工純粹係為咗多個朋友食飯過日神,無咁悶而已!

 我相信今天香港已經進入了中國式教會運作模式的階段,意思並不複雜,就是你與時並進,與時代接軋,或是你繼續一成不變,所謂嘅持守信念;對我自己說來,宗教信仰裡面就是千變萬化,而信念卻是單一,誠然,你信啲乜就驅使你變成那模樣,成為何許人也!

 11月尾問Alison 諗好講周年分享內容未呀?未!我回答她「掂㗎啦」;後來,14周年慶典未能如期舉行,一個月後的今天,Alison 清楚知道分享的內容了。不但如此,還有一些人在這個延遲與等候的時間空隙中,覺察到更多更深更豐富,要與你分享!

 作為傳道人,年年都話救人,使人相信耶穌、受浸、返教會,讀經祈禱...其實,你可以協助當事人的生活,就是工作升遷、居住搬屋、交友戀愛、結婚,生仔...你就真係具體拯救人啦!