《「每星期最美好的三五事情」》

  今日同Ruby 中午出去食打邊爐放題,當然瘋狂啦!牛xx 12點開鋪,早15分鐘去到,見到門庭冷清,唔駛急!可以慢慢行個街...轉頭再去,嘩!已經排咗成十幾廿人,最犀利係我哋前面嗰10個長者,約埋一齊食放題,7折優惠,任飲任食,最緊要係任你坐無限際時間,雖然仍然限住兩人一枱,但係咁嘅時勢,話10個人聚埋喺屋企又嫌人多,一齊出街就除時俾告票你啦!當同一層的食肆仍是拍烏蠅時,呢間就全場滿座(只可以一半容量),蓋因世界上有好多好似我一樣需要見多你幾面的人!

 當全世界啲人都覺得社會停擺,地球停轉,但係Dani bb (初一弟弟)卻告訴大家世界轉變,地球在轉,他由懶瞓bb 、到爬上爬落,依家每天在家遊行我已經一歲大啦!

 同咗老友講你自己2021年嘅目標同計劃未呀?未講就要快啲講啦!講咗你就嬴,因為你已經見到事事如意,啱晒你諗法,帶住你行咁!不然的話,你咪可以嗱嗱聲轉軚調頭,即刻修正,咁咪掂晒,目標即時在望啦!

 生命就是美好,快啲趁著一年的開始,開個好年頭!給自己真正透過氣,不是一台麻木的呼吸機,見見人,食吓飯,聽聽老友把聲,你會感覺到美好,望返轉頭,這個一月原來好正!