《「哈囉!X TEMPLE 咁耐無見你嘅!」》

  星期日去入油,油站叔叔劈頭第一句說話,「哈囉!X TEMPLE 咁耐無見你嘅」,當然唔認得佢係乜水啦!熱情賣力加上懶熟悉的口吻,揸車嘅Jonathan 自然亦都報以燦爛笑臉!

 臨近歲晚,接到幾個陳年老友來電,恍然醒悟!係時候要安排團年飯,又係一個苦惱事情,因為已經唔記得係一年定半載,同人食飯都要得你批准!帶著海量的失望...我仍然期待著今年的團年飯,我還是在準備家庭團年飯;小組嘅團年就要諗定4人一枱、8人兩枱還是164枱啦!未知道有無得晚市堂食?諗吓你都贏咗啦!

 望住剛剛一歲大的Dani (初一弟弟)一個禮拜最多外出兩三次,真係可以話係足不出戶,但啱啱識得行的小b ,不再在地上爬,總是每天在家中行行重行行,行來行去,攪呢攪路...希望你我重尋那一歲的自己,keep moving keep going 繼續前行!

 全世界嘅人也定睛在香港人的今天,如果你繼續委曲食孤獨飯的,不知道還有多久要與身邊的人隔絕!假若你是仍然存有盼望者—可能有啲戇居、天真同埋唔係好真實,但你的盼望定必能夠帶領你在陰天裡,每一天可以開懷歡暢!