《「團年中的笑臉」》

   「同一屋簷下」小組上個禮拜日在二人限聚令下率先團年,我自己未能夠出席,感到非常可惜!殊不知!宣佈繼續2 人限聚令延長多兩個星期至大年初六...驟然發覺,原來喺香港想要三五知己一齊食個飯係如此奢侈的事情,完全係妄想喇!

 星期四真係超勁好日子,日頭收到老友信息,講到好巧合地遇到人,係指定的相遇,老友感到非常之特別!其實每一個相遇都肯定是特別的,重點係今天老友看得懂而又相信,這是他的自我能力,可以帶他走更遠的路!夜晚又可以同Jacob 一家人食飯,最緊要係當日終收到個駕駛執照寄出到返轉頭足足廿幾日要做乘客!

 星期六到外婆家團年、年廿九到嫲嫲團年,年卅晚就係我自己屋企團年;一家人團年飯是最美好的,嘻嘻哈哈又一餐,飽餐一頓又一年,最好影張相打個卡,留下歡樂時光,可以深藏大家腦海之中,永誌不忘!驚唔驚?做人嘅嘢笑住又一餐,總好過訓練麻木!

 重有幾日就到農曆新年,屋企人要團年,老友記要團年,教友組員更加要團年;記住記住要拜年,互相恭賀!互送祝福!是中國人文化,是信仰的基本!