《「安心做人」》

  諗返轉頭,130日晚上,Ming 突然話「聽日中午我哋小組會食團年飯」,礙於逢星期日中午有家務安排,一時間未能更動,但係都覺得,喺仍然維持二人限聚令底下,呢個時候安排團年飯會有啲困難同技術問題!後來,見到Ming 組長傳來二人一枱的團年飯相片,實在欣賞與讚許!

 呢幾日放寛了食肆晚市可以四人一枱,Ming 又傳來信息,今個星期四晚開小組食飯;組長們、組員們,你們比別人走得更前,你們比我有著更大的信念與堅持!為你們鼓掌,好嘢!

 政府抗疫,力推安心食飯、安心睇戲...個名夠好啦!香港近年社會動盪不穩,人際關係不和諧,吓吓要分門歸類至可以存活!我覺得做人最緊要有良心,先至可以事事安心;良心係有普世邏輯的,每日人都有自己的界線,不要模糊自己的界線,不要遺忘自己的本心,最多咪食少餐飯,賺少個錢囉!再極端啲嘅,咪做個有氣節,有態度,對得住自己嘅窮人囉!

 細個嘅時候,跟老竇去天龍茶樓飲茶就最開心!到依家都係成日食嗰啲有pat 芡汁嘅义燒包,俾多個錢食$60一籠嘅豬仔义燒包又係咁食!

世界好公平,智慧人同勤勞者一樣,可以安心走路,睡得香甜!