《「感恩樂頌還有你」》

  今天天陰!舉頭望天天漸窄,看見香港在逆世界而行,還有一些愛香港的人沒有倒退,仍然不屈不撓,昂首向前;雖然,明知向前就係死快啲!無人可憐!

今日天陰!睇到「樂頌」少咗啲啲愛!唔夠愛!缺乏愛!作為傳道人的我責無旁貸!點解我咁渣!

 2020年,我有幾件未了的事情!當面對即將來臨的受難節,更加記掛住一啲預咗上年接受洗禮的朋友,從4月等到10月,又再要等等!原來已經一拖再拖,足足一個年度,今天已經來到另一個受難節的日子了!

 這個年頭可算是見盡「拖延」下的人生百態,雖然未必至於追悔莫及,就是說有些人在拖延時間中消耗著生命!有些老友在拖延又拖延中較原先計劃遲咗一年至結婚,已經算是好的了!有些老友的婚禮拖延到半擱置狀態呢!

 早兩晚,飯後落街,剛巧落緊失魂大雨,帶多咗把遮,喺大廈大堂遇到兩個人各自拎住嬰兒用品準備離開大廈,但又無帶遮,做個順水人情,借出一把遮,我就遮住另一個行去佢哋嘅目的地;其實每個人總常會帶多把遮旁身,我們只要順著生命而為,生活總是滿佈祝福!

 雖然直到今日我都唔知「樂頌」能否舉行4月的受難節浸禮崇拜,今天我們還是在預備,相信耶穌的人已經準備就緒,香港沒有退縮的救火少年,「樂頌」有你愛我,我又遑論後退!