《「祝福勇於轉變的你」》

 有個friend 本身喺大公司做中級職員廿幾年,原本過多兩年就可以順理成章退休,攞長糧,印印腳嘆世界,啱啱收到風,佢上年提早退休,依家炒緊散—型!

 呢排都幾好笑!話說上嗰輪,被人拉、被人告要收押、要坐監嘅,好多係年輕人,社會上又有啲好熱心嘅大律師、律師、醫生、護士、社工、立法會議員、區議員...會幫啲後生仔;但係依家啲收押所、監獄...困住咗好多大律師、律師、醫生、護士、社工、立法會議員、區議員...讀咁多書都唔知為乜!

 好幾年前,有啲人提出「生涯規劃」,訂定規劃與目標,及至達成人生;早兩年又有啲人教人發達大計...「生涯規劃」只係適合一式一樣嘅人,至於發達大計,真係電影《龍咁威》話齋「我呢輪真係賺夠啦!好想俾人賺吓」,呃亞婆啫!

 但係呢兩年學識嘅一句「計劃趕不上變化」!人生唔會個個都一樣,生活亦並不是為了發達,你懂得自己是獨一無二,你會為自己而生活,又何需跟住別人的倒模隊伍,又何必要跟隨別人定義揾到幾多錢為之發達呢!