《「捉緊自己的天使」》

 以前啲人,生個仔又話腳頭好,生個女仔又話腳頭好,生最後嗰個係仔係女都話腳頭好...似乎好多人心𥚃總係傾向正面、好嘢!我哋會多謝呢啲出現嘅人!

 早兩日小組,家豪分享佢嘅staycation ,又曬同兩個老友出街食飯...家豪另外提到有個老友人生模糊,前路不清,我都係嗰句嘗試祝福這個老友,「祝福到你身邊出現嘅人,就係對自己最大的祝福」!

 尋日,收到老友來電,需要幫手個人危機,情況緊急,梗係義不容辭啦!我在電話中給予一些即時處理方案,當然唔係三言兩語就可以完全解決問題,至少要遏止事情惡化,能夠穩定心神,暫時緩解壓力呢!

 最常聽到有啲人感恩前感恩後掛在口邊,多謝天主、耶穌、釋迦牟尼,傳來佛祖之類...但好少聽佢哋多謝身邊嘅姨媽姑姐、親戚朋友,教友牧者,都無乜問題嘅!離地啲啫!只係我信念中往往係冥冥中嘅主宰差派了天使喺我哋身邊,循而彰顯出神蹟,令我們折服、感恩,可以仰天長嘯,Yeah