《「追光者」》

 Dani 一歲後,終於有得落街啦!Dani 落街最鍾意玩嘅嘢就係執樹葉,每次總是一手執一片樹葉行街,覺得好實在好真實!喺屋企嘅時候,Dani 老是跟住Abi 家姐背影行動,好鍾意同埋家姐一齊玩,坐車去大商場,Dani 做司機,Abi 做乘客,有時會喺枱底camping ,食包包、食蜜柑...

 每個人在追隨著前人,仿效著前輩的步伐;其實,每個人都在尋找自己生命的光,可能係學業、事業,或者係愛情,可能係要揾幾多幾多錢,買幾多幾多層樓,男朋友女朋友...有時,睇到啲釣魚的影片,釣到細條嘅魚會丟番落海,但係釣到條好大嘅魚,又會丟番落海,我就唔知點解嘞?究竟佢想釣到啲乜嘢魚呢?

 早幾日,聽到茄雲協助咗個老友決定相信耶穌,說也奇怪,呢個老友早兩年搬咗去大角嘴—近教會;茄雲有一輪被借調到鰂魚涌工作,個老友就去咗北角返工;早幾個月,個老友又搬咗去觀塘山腰—茄雲住觀塘山頂,茄雲知道呢個老友黐住佢,要回應佢,祝福佢!茄雲知道光的路線,知道光由邊度嚟,走向邊度!