《「樂頌,幾時都可以見到天使」》

 實在係好鍾意今個禮拜的崇拜「要吶喊!能不能在你身邊」,是這個崇拜的敬拜詩歌,守望時光作為祝福互勉,有這樣愛「樂頌」的人,令我感到觸碰的毛管棟!

 崇拜後,波士走嚟同我講話想搵日請教會食飯—捱過9個年頭的在職兼讀生涯,完成學業,是要多謝呢9年睇住佢大的人!當然,讚賞之餘,附上一句,排吓隊啦!好多人想請教會嘅人食飯!

 小組食飯時,見到Vean 媽媽,原來今日湊孫放早鬆一鬆!可以返教會,正席Karen 個老友帶著將要面臨湊BB 的苦惱出現,循而得著兩代媽媽的真實真誠分享,Vean 媽媽成為了特別的天使!

 星期日協助了一個老友決定相信耶穌,我希望可以睇住佢一家四口一齊受洗!有啲攪笑,佢竟然多謝我教咗佢祈禱,之後就每晚都祈禱!

今日陪老友處理咗件複雜事情,即刻去飲茶賀吓佢先,原來咁耐都未試過一齊坐低飲過茶,食個包添!

 又到一個禮拜的崇拜,有人話想要點歌《在這裡》,3句令我動容的說話,「我囡識唱」,「身處何方,記住,耶穌在這裡」,「組員在電話裡, 有咩找佢」,在信的人,幾時都可以見到天使!