《「我和荷里活有個約會」》

 星期日,Ruby 專程約埋二家姐同Jonathan 去飲茶,但係可以訂位嘅酒樓都已經滿座,轉轉折折,兜兜轉轉,最終去咗荷里活廣場飲茶,等位等咗超過一個小時,重要限住一個半小時埋單...難得一齊嘆吓茶,正!

 星期一,千呼萬喚,難過網上撲飛,約Givens Sunny兩公婆食飯荷里活廣場晚飯!對於重視時間嘅我,梗係早啲到啦!約咗Ruby 20 分鐘喺地鐵站等埋一齊上去,見到Ruby ,未起步,就見到Michael 哥兜口兜面彈出嚟!

 星期三,整天風塵樸樸,上晝飲茶,下晝飲茶喺油麻地處理啲事,跟住趕住去鑽石山,Stanley 萬樂豬小組荷里活廣場開組食飯!

 星期四,丹鋒荷里活廣場開小組食飯,面對面簡單的一餐,不是網上的Zoom ,不再FaceTime ;絕不誇張,在座的一個組員聽日就係Zoom 面試見工啦!小組,見個面,睇吓你肥咗瘦咗,今著乜嘢衫,搭乜嘢車嚟,精神定憔悴咗...就係咁樣,大家都醒咗!多啲力量再去搏殺!