《「三人餐」》

 星期三晚上小組,食飯同埋分享;有個組員要學慳錢,要死慳死抵!最後的結語係,你要慳錢嘅,以後小組就同你一齊慳錢食平啲!

星期四晚上小組,都係食飯同埋分享;上回提到Hugo 捱咗9年半工讀的日子,終於完成了學士學位課程,原來Alison 都完成咗唔知幾多年嘅乜嘢課程,重點係組員約定下兩個禮拜的小組,大家一齊食餐豐富啲嚟同佢哋慶祝,齊齊戥佢地高興,一齊開心吓!

 早兩日,同Ruby 接初一放學,然後帶佢去葵芳同個老友飲茶食晏,點知老友臨時有事唔得閒,我哋即時轉變計劃,同初一喺學校隔離個商場食飯,順便增遊大商場;一行3人走進美食廣場,十多間食店,Ruby 抱住初一遊走一圈,最終初一看上了胡椒飯堂的粟米,點了一個黑椒牛肉飯,加粟米(本身已經有粟米),加和牛粒,走黑椒擺明唔鍾意老細,收銀姐姐瞄了瞄初一,問Ruby 係咪學生餐,學生餐減$8!原本計劃食高級點心,又諗過走去放題喪食,都不如簡簡單單三人一餐;廿幾年前都係三人一餐,四人一餐,回憶總是美好!

 坊間諺語,做人嘅嘢!好嘅又一餐,唔好嘅又一餐!最緊要係有你一齊食飯就係最好啦!