《「祝我生日快樂」》

 又到5月,令我懷疑人生?生日喎!應該快樂呀嘛!識咗十九幾年個老友專誠請我飲生日茶,為的是佢跟住就會離開香港—最後的午餐!

 呢個5月,好多老友都起程遠飛他方,不再是香港、九龍,新界搬來搬去,下次再飲茶食飯,係要搭飛機嘅,都唔好話唔犀利!另一面嚟講,係好難好難!或者再也不能響起「我要一生一世住在你對面」笑著說的敬拜(詩歌《我要一生一世住在你聖殿》) !

 今個5月,數數手指的一個、兩個、三個,四個...家庭排住隊搭飛機,我肯肯定係開心嘅!因為見到大家都係一家人的團結,沒有分散、沒有被打碎,是小朋友最好的成長與培育,是家庭更大的發展與豐富!俗啲講,你如何利誘也不會得逞的事情,今天一家大細可以一鼓作氣做呢件事真係要感謝環境的催化!

 這個5月,我並不悲情,沒有絕望,我係treasure 珍貴「樂頌」各位同我一齊的寶貴時光!每個信徒都攞住天國的鑰匙,贏就贏緊㗎啦!這刻只係對你哋的不捨!