《「三年」》

 三年係乜嘢概念?我有朋友身家漲了五成,也有朋友破產了,有的結婚了,有的成為爸爸媽媽了,有啲退休了,也有被退休的...原來三年可以咁極端咁多變化!世事無常,成王敗寇,非也!信教者如我,我的世界只有好與更好,那麼又如何描繪這個破產的朋友?還不是人生中的失敗者嗎?梗係無失敗啦!老友昨日怕被追債,既唔夠膽返工,又有家歸不得,就是終日左閃右避!老友今日,唔使急於搵工返工,依家做咗家中大廚,晚晚都一家人食飯,樂也融融,尋回失去咗十多年的關係!

 三年係乜嘢概念?初一已經3 歲啦!

 三年前的5 月,我哋簽署了臨時買賣合約,決定了搬屋工程,為的是陪伴與支持!三年後的今天,驀然回首,就如昨日,付出了的勇氣與決心,是非常大的壓力與艱辛,就是換來那陪伴的感覺與記憶!我會說服自己,永遠都沒有第二次的可能,可以給我換來這三年的幸福!

 如果果你我還有三年,你會有何決定?你會如何編寫這新的劇本?夠膽做決定你就是贏家!