《「我手寫我劇本」》

 我一個星期有乜嘢行程?星期一,我同Ruby 帶初一去咗食自助午餐,星期二,我兩公婆去咗打疫苗,星期三,我約咗老友喺葵芳飲茶,星期四,我哋同好鄰舍組員飲下午茶,星期五,買snoopy 拖鞋上架,多色任揀,我哋即刻去朝聖,全家人人有份,星期六,就同高生高太一家食散水飯!

 話說早幾日,我兩公婆帶咗初一出街食晏,叫咗個兒童朱古力噴泉chocolate fountain ;初一點兩點,食兩啖,開始玩,好似玩泥膠,又似搓麵粉,更加似上緊塗鴉藝術班,搞到兩隻手全部都係朱古力,我坐喺佢對面如坐針墊,頂佢唔順!

 在穩定的管理𥚃,世界需要規範化,限制思想,不容越軌...管理者寧願你每日每週如是,甚至乎個個月如此,因循不異!

 每個人也在編寫著自己人生的劇本,嘗試認識自我的獨一無二,並不是工廠大量生產下的產物,接納每個人的不一樣,容許自己超越常規,享受自己的古靈精怪,你會更懂得欣賞別人的奇異獨特,其實是每個人的得天獨厚!