《「I believe 我相信」》

 今個禮拜帶著好深刻的離愁別緒,走咗一個,又走一個…

尋日,老婆問我「今年有邊啲舖頭執咗笠?你今年失去咗啲乜嘢?」奶茶咖啡執咗、啟業邨酒樓執咗、執埋個蘋果都無乜所謂啦!

 呢幾年,我哋失去咗好多嘢!唔可以用黃色遮、唔可以著黑色T 恤、黃色黑色口罩都唔可以戴、點蠟燭都要揀日子、唔可以亂咁講某啲日期、某啲日子出街會俾人拉、除咗姜B Mirror 嘅歌,其他歌隨時變禁歌、香港沒有潮語,只有禁語,禁語泛濫多過教會!

 世界在沉淪,好多香港基督教教會選擇默然無語以保安枕,只能說是天真與無知!教會的責任是無論你身處何方,你是代言人,不可禁聲,禁聲者已經失了自己時代的角色!

 我所相信的世界裡不會有傷感,除非你沒有今天明天,今天明天仍然由我選擇及管理,縱然天時不與我,人和在我,我相信的都會發生!