《「未來見那日見明年見明天見」》

 星期日晚食完飯,送小朋友返屋企,途中初一問道「好耐無食蝦啦!我想食蝦」,我當然應承佢「聽日買蝦俾你食啦」;星期一晚喺佢哋屋企食飯,飯後,初一再講話今晚無蝦食…我才猛然醒覺…啦!

 人必須要有盼望,信教的人永遠都有盼望!但係有時候又覺得啲教會、教徒都神神哋!今個禮拜有一則奇怪新聞,話說有間教會學校攪歌唱比賽,兩個學生唱咗首流行歌,結果俾學校記大過!歌唱比賽唱流行歌真係罪過罪過,唔通要唱詩歌?原因唔重要,重點係我認知的教會,教會辦學,就係以愛啟導學生,孜孜不倦,循循善誘,幫緊你幫到你,派優點多過記缺點,呢一吓唔使警告,無需缺點,就記你大過,不如踢佢出校,拉佢坐監啦!

 呢兩年多咗一個類別的流行歌曲,不斷發出一個題目—幾時見面,從《未來見》開始,《那日見》、《明年見》,《明天見》…不約而同地由遠至近,從抽象概念到具體時空,真箇要讚賞填詞者的信念!