《「為自己成長走一步」》

 今個禮拜好重要!Hugo 早半個鐘返到教會等待崇拜,分享時間,Hugo 走出來分享了兩件事情,並非驚天動地,但似乎平常不過的事情,卻令我動容,叫我深深感受到Hugo 對「樂頌」的重視和信任,原來就是我滿心期待聽到的平凡瑣事,最後,Hugo 今年第二次在分享台前,鄭重地講一句「我真係好想請大家食餐飯」—Hugo 成長中有「樂頌」!

 自從Ruby 無返工開始,生活並沒有停下來,除咗多啲時間幫手湊兩個孫,Ruby 枕住報課程上堂,堅係好學不倦,半年來,已經完成了3 個不同的課程,轉行揾食?不了!純粹係對事物好奇,對生活的興趣,長知識吧了!

 通常Ruby 同我朝早會送初一返學嘅!但係間唔中Ruby 要上堂,就輪到初一送嫲嫲Ruby 返學,下一站至係初一返學;呢幾次初一送嫲嫲Ruby 返學,Ruby 落車嘅時候,初一都會送上一句「嫲嫲放學去街市買條魚呀」,忽然之間,覺得3 歲的初一已經不再是bb ,思維好清晰好有條理與邏輯,大人們都不能夠阻擋她成長的輪子!