《迷信8條1》

終於，簡生簡太揀咗喺2011年11月11日上晝11點搬屋，又喺夜晚11點開Orange Party生果派對，你鐘意叫8條1又得，叫10條1都得！

搬完屋，簡生簡太做東，專誠夜宴小組及鄰居，發咗？無他嘅，兩大原素—

老友共聚，戥你高興，否則，請都請唔到！

聽講話，簡生簡太先後用咗一個晚上，同埋一個下午買晒新居所有大件家具，頭頭尾尾加埋，頂多叫做一日。入到簡居，一室簡單明淨，感受到客飯廳多了拓大的空間，為的是招呼小組良朋及鄰居到訪—有心思！

今年，小弟特別相信「近硃者赤，近墨者黑」的道理，成日叫人要群住D行好運嘅人，習染吓、仿效吓某D運作，就算唔掂都唔會衰得去邊啦！其中一件事就係「信耶穌，住埋一堆」，截至今日，計埋簡生簡太，已經係第三個家庭今年入住同一幢大廈，如果你話簡生簡太擇日搬屋，迷信8條1，我就話，8條1依次是Allan、Sasa、Gideon、Ruby、Jacob、Jonathan同簡生簡太；其實，不在於這8個人，並不是偏心塑造，或建立群組；是概念、是信念，無論你去到邊，或工作、或居住，也會有你的「8條1」，是你生命中祝福的群組！