《「當信主耶穌，你和你一家都必去旅行」》

　農曆新年過後，3月份展開了「樂頌」的第一輪旅行潮。第一週，秋華身先士卒，同未來老公亞成去台灣影婚紗相；緊隨其後嘅係Sasa Allan、與真娣媽媽，姐姐哥哥亞嫂接力去日本走番轉；第二週，Sasa 都未返，Karen Stanley 又係飛日本，自組滑雪團，Maggie 係團友之一；曉珊最乖，星期六帶埋外婆返崇拜，食埋飯至去機場上機，目的地都係日本，好似有3個家庭10位團友，就是曉珊已經係4個人3代同行了；曉珊佢哋星期五晚返香港，與此同時，Kitty 就同日起程去台灣跑步。

　上個星期崇拜，人丁單薄...皆因又少咗幾件—去咗旅行；基督徒是否應該勤力返教會？唔應該因為去旅行妨礙返教會？

　基督教常常將「當信主耶穌，你和你一家都必得救」掛在口邊，即係話你相信耶穌，你爸爸媽媽、兄弟姊妹，姨媽姑爹都會信耶穌，不過唔知係幾時，一年唔定，五年未知，可能十年，甚至是等足廿年直到離世之前才會相信耶穌，咁大家就可以喺天堂相遇，我就覺得有點兒悲哀與整蠱！點解祝福要係第二世？點解幸福唔可以係今生？有限的祝福？騙人的幸福？

　我就相信，當信主耶穌，你和你一家都必做冬、都必食自助餐、都必食團年飯，都必去一天遊、都必去迪士尼，都必去旅行...

　你估「樂頌」第二輪旅行潮係幾時呢？少咗人返教會又駛乜驚噃！