《「行山要拜山」》

 　逆境驟然襲至，頓時人心惶惶，不知所措，大部份人唯有哩哩埋埋，喺屋企唔出街，如是者，一個星期、兩個星期，三個星期……終於要爆喇！打從二月尾的星期天開始，每逢星期日，不同人士，已經不是三五成群，而係搬咗個銅鑼灣去山頭，在山頭遊走卻是摩肩接踵，山下車道更加是水洩不通！

　新年過後，隨即踏入拜山時節，突然間諗起，個個禮拜咁多人行山，有無順便去拜山，人流會少一截，應該會無接觸到咁多人嘅！

　間唔時都會聽到d 人問「基督徒可唔可以拜山呀？」小弟知道十誡中對人的誡命而放置在最優先的是「孝敬父母」，所以應該都係幾重要，循而，我每年都會同屋企人去拜山，因為我孝敬我父母，也孝敬我父母的父母...我孝敬我太太的父母，我都孝敬我太太父母的父母...

　逆情使人分隔，世情叫人拒絕，信教之徒，如果都係叫你同你屋企人、親戚朋友生死不相往來者，應該都近乎異端邪說之流，如果你呢幾個禮拜都有走到郊外放放風，遊山玩水，盼望你仍懂慎宗追遠，沒有忘記每一個你應該記念的親人長輩、先人賢達！