《「石沉大海的盼望」》 星期一,Jonathan 同Yuki Jacob 各自收到一張名信片,竟然係Ruby 同我從南非維多利亞瀑布寄俾佢哋嘅,日期係...2019年6月6日,竟然係寄出超過一年半之後才收到!猶如石沉大海的盼望,人生原來係需要等待,卻不會永遠等待,佢會失驚無神在你自己已經混忘、放棄之時突然間出現,叫你吃一驚! 大年初一,仍然如往常一樣,到內外家拜年;總站(我自己屋企)等Yuki Jacob 一家到來拜年,出發第一站係太嫲嫲屋企,然後驅車去接太婆前往大姨媽家中拜年,當然,站站都係派利是、𢭃利是同埋食賀年糕點啦! 今年,我專登打電話俾三幾個掛住嘅人,為咗聽吓佢真人把聲,同對方祝賀一句恭喜發財!牛年精神!唔打尤自可,同時間竟然有老友打電話嚟!恭賀問候,當然要約埋飲茶食飯啦!Yeah ! 有時,生活好似每日都係如同昨天一樣的渡過;又有時,好似所有記憶都回到這一天,某些人生命中的分水嶺,時間不會停留,世界無得返轉頭,驀然回首,所行過的路就是使你我成長並且豐富,叫你我可以更享受每一天的生活! |