《「每天遇到好人」》

 星期一,又再同Ruby 帶初一去食自助午餐啦!本身初一返學係全日制嘅幼稚園,礙於逆情緣故,全港中小學及幼稚園暫時只能夠半日授課,俾咗機會接放學後去食自助午餐!加上Ruby 二家姐專登請假陪初一食飯,初一當然心情大好啦!

 星期二,又有舖頭要執笠—2021年失去太多

 星期三,如常一早開車出去,然後在路邊等咪錶泊車位,等候期間當然係玩手機啦!忽然,不遠處見到有個人好似同我打招呼,不以為然,繼續專注垂頭玩機,不多久,那位男士已經行到我車旁,話俾我知轉個彎有個車位,我梗係即時開車撲位,同時附上句「唔該晒唔該晒」。

 星期四,在Vivian Ming 屋企小組,除咗大家分享自己近況,呢兩次都有唱歌,同埋樂恩的鋼琴獨奏,尋晚甜品係雪糕杯;臨時加入同Ruby 去睇戲《爆機自由仁》誇張地描述沒有生命的電腦遊戲角色竟然可以自己成長,不再是設定下的一成不變,不再日日如是,不再因循無活力,可以為自己尋找及爭取自己期望的自由!

 星期五,約咗老友去太古城食晏,我當然係大鄉里出城,老友帶我去見識見識!下晝接到早幾個月前決定相信耶穌嘅老友電話,當時協助佢處理的事情,攪咗3 個多月,終於告一段落,任務完成啦!

 星期六,初一問咗幾次「點解塗鴉班之後無飲茶」,造就咗今日可以大大小小一行6 人,等初一落堂之後去飲茶!