《「請與我分享你的麻煩」》

 尋晚喺我哋屋企開飯,Ruby 同小朋友飯前整啫喱,Yuki Abi Ruby 就協助Dani Abi Dani 都各自將啫喱倒進杯裡,但係Dani 隨即將杯裡的啫喱翻倒出來,倒完一杯,兩杯,我唯有捉住Dani 小手,防止佢繼續再倒結果喪喊!似乎,佢嘅程式係要倒晒出嚟先至係完成整個工序。

 早兩日,外母突然俾$500我同我講話「拎去入油啦」,我當然拒絕佢好意啦!外母如此動作,蓋因我間唔時都會車外母去覆診,老人家可能覺得麻煩了別人,心裡既唔好意思又客氣囉!我覺得作為家人,家人的「麻煩」事情,可以參與是應該也是權利!

 小朋友好多事情都要痳煩別人,成年人就識做啲,客氣啲,盡量都唔想麻煩別人啦!其實係關係,親人與摯愛的關係;就是只容許與接納家人或我所愛的人,可以了解,緊纏在我身邊一齊面對大大小小麻煩的權利!