《「生命歷奇」》

 9月又係開學的日子,「樂頌」今年還未見到中小學生亮相,只有看到幼稚園小朋友開學啦!但我們卻看到遠方的「樂頌」老友,他們的中小學子女正抖數精神,跳進校園的開學威水靚樣!

 打從5 月至今已差不多四個月,有些老友已經散居於東西南北各方;他們扶老攜幼,撥開雲霧,重新開始打出一片天!睇見這些年屆四十左近的老友,夠膽放低所有,重新起步,實在為小弟所尊重敬佩!

 這兩年愈來愈覺得自己乜都無,唔識人唔識字,只係剩返少少原則,傳教者的原則!

 在大時代下傳教者要委曲求全,避重就輕地傳教我覺得傳教者沒什麼忍辱負重的邏輯,意思係你傳教就係有嗰句講嗰句,無得話俾你傳教就只容許你講啲唔講啲,又要避開某啲唔講得,宗教只係形而上,心靈需要,與生活無關…傳教者無原則就只會係傳了謬誤,不會是真理!